ԵՊՀ / Լաբորատորիա

Աստղաֆիզիկական հետազոտությունների լաբորատորիա

Ինչպե՞ս են դա անում

Պաշտոնական նկարագրություն

Աստղաֆիզիկական հետազոտությունների գ/հ լաբորատորիան բացվել է 2016 թվականին ԵՊՀ ֆիզիկայի ֆակուլտետի Վ. Համբարձումյանի անվան աստղաֆիզիկայի և ընդհանուր ֆիզիկայի ամբիոնի աստղաֆիզիկոսների ունեցած գիտական բազայի հիման վրա: Լաբորատորիայի գիտական ղեկավարը եղել է պրոֆեսոր, ֆ.մ.գ.դ. Մ. Ա. Ղազարյանը: 2017 թվականին լաբորատորիայի գիտական ղեկավար է ընտրվել լաբորատորիայի առաջատար գիտաշխատող, ֆ.մ.գ.թ. Է. Լ. Կարապետյանը: Աստղաֆիզիկական հետազոտությունների գ/հ լաբորատորիայի գիտական ուղղվածություններն են՝ ԳՄԱ գալակտիկաների ձևաբանական, սպեկտրային և վիճակագրական ուսումնասիրություններ; Թվայնացված շրջահայական թիթեղների վրա նոր օբյեկտների հայտնաբերում; Ցածր գալակտիկական լայնությունն ընդգրկող տիրույթներում, որտեղ նման հետազոտությունները քիչ են արված, կարմիր և գերկարմիր օբյեկտների հայտնաբերում, որոնք կարող են լինել ինչպես աստղեր, այնպես էլ միգամածություններ և գալակտիկաներ; Աստղաառաջացման բռնկումով գալակտիկաների ուսումնասիրություն՝ գալակտիկաների էվոլյուցիայի վաղ փուլը հասկանալու համար; BL Lacertae տիպի օբյեկտների ուսումնասիրություն, ինչպես նաև նրանցից արձակված շիթերի հետագծերի մոդելավորում տարբեր վիճակագրական մեթոդներով; Հայտնաբերված օբյեկտների բազմակողմանի ուսումնասիրություն՝ օգտագործելով Բյուրականի աստղադիտարանի 2.6 մ և ժամանակակից այլ երկրային և արտամթնոլորտային դիտակների միջոցով ստացված բարձրորակ նյութը; Թիթեղների սկանավորման, թվայնացման, աստղաչափման, օբյեկտների դասակարգման և արխիվացված հսկայական տեղեկատվության ներդրումը տվյալների բազայում՝ ժամանակակից չափանիշներով և մեթոդներով՝ ապահովելով դիտողական նյութերի հասանելիությունը և դրանց հիման վրա գիտական նոր ծրագրերի մշակումը։ Լաբորատորիայի գիտական հետազոտությունները գլխավորապես կապված են Տիեզերքի անկայուն երևույթների հետ: Լաբորատորիայում սկսվել է նաև շրջահայական թիթեղների թվայնացման գործընթաց: Աստղաֆիզիկական հետազոտությունների գ/հ լաբորատորիայում 2023 թվականին սկսել է գործել «Աստղամասնիկների ֆիզիկա» գիտական խումբը՝ Ֆելիքս Ահարոնյանի ղեկավարությամբ, որը զբաղվում է տիեզերական ճառագայթների հետազոտմամբ գերբարձր էներգիայի գամմա ճառագայթման միջոցով: Խումբը համագործակցում է աշխարհում հայտնի մի շարք գիտական կենտրոնների հետ, ինչպիսիք են՝ Մաքս Պլանկի միջուկային ֆիզիկայի ինստիտուտը (Հայդելբերգ, Գերմանիա), Աստղաֆիզիկայի ազգային ինստիտուտը (Միլան, Իտալիա), Չինաստանի գիտությունների ակադեմիայի բարձր էներգիայի ֆիզիկայի ինստիտուտը (Պեկին, Չինաստան):

Ովքե՞ր են

Անդամներ

  • Վարդգես ԳրիգորյանԿրտսեր գիտական աշխատող
  • Արման ԽաչատրյանԿրտսեր գիտական աշխատող
  • Էմիլյա ԿարապետյանԳիտական աշխատող
  • Լիանա ՀամբարձումյանԿրտսեր գիտական աշխատող
  • Ժակլին ՄարտիրոսյանԿրտսեր գիտական աշխատող

Որտեղ են

ԵՊՀ, Երևան (Ֆիզիկայի գիտահետազոտական ինստիտուտ, Միջուկային ֆիզիկայի և աստղաֆիզիկայի կենտրոն)

Հրապարակումներ

Այս խմբի՞ց եք։ Լրացրեք կարճ ձև, և էջում կհայտնվեն ձեր հարցը, մեթոդները և միանալու պայմանները։

Սա տեղեկատու էջ է՝ պաշտոնական աղբյուրների հիման վրա։ Կառույցի անունը չի ենթադրում գործընկերություն։