ԵՊՀ / Լաբորատորիա
Առաջադեմ ֆունկցիոնալ մատերիալների լաբորատորիա
Ինչպե՞ս են դա անում
Պաշտոնական նկարագրություն
Առաջադեմ ֆունկցիոնալ նյութերի լաբորատորիայի նպատակն է համախմբել Ֆիզիկայի ինստիտուտի հետազոտական խմբերի ներուժը կոնդենսացված մարմինների ֆիզիկայի, նյութերի ֆիզիկայի և նյութագիտության ոլորտներում: Լաբորատորիայի գիտահետազոտական ծրագիրը միտված է առաջադեմ ֆունկցիոնալ նյութերի գրադարանի նախագծմանը և ստեղծմանը՝ հիմնված երկչափ և Վան-Դեր-Վալսյան նյութերի, Վան-Դեր-Վալսյան և Մուարյան հետերոկառուցվածքների և այլ ցածրաչափ քվանտային նյութերի վրա՝ նպատակ ունենալով նանոմասշտաբի օպտոէլեկտրոնային սարքերի և օպտիկական բաղադրիչների՝ սկզբունքորեն նոր դասի նախագծման հեռանկարների ուսումնասիրությունները (հիմնաբառեր՝ երկչափ նյութեր, Վան-Դեր-Վալսյան նյութեր, ոչ Վան-Դեր-Վալսյան երկչափ նյութեր, Վան-Դեր-Վալսյան հոմո- և հետերո- կառուցվածքներ, Մուարյան նյութեր, մաքսեններ, պերովսկիտներ)։ Վերջերս գիտական պարադիգմայի փոփոխությունը հանգեցրեց բազմազան երկչափ նյութերի (սկսած գրաֆենից) դասերի հայտնաբերմանը՝ գրավելով գիտական հանրության ուշադրությունը: Այն առաջարկում է ինչպես նոր, այնպես էլ հետաքրքիր ֆիզիկական երևույթների առատություն, ինչպես նաև ֆիզիկական նոր սկզբունքների վրա հիմնված օպտոէլեկտրոնային սարքերի և օպտիկական բաղադրիչների ապագայի հեղափոխական վերափոխում: Թեև գրաֆենի ուսումնասիրությունները հիմնականում իրագործվել են Նոբելյան ալիքի ընթացքում, երկչափ և Վան-Դեր-Վալսյան այլ նյութերի (նրանց մեծածավալ նմանատիպերի, որոնք ընդգրկում են ավելի քան հազար թեկնածու) ֆիզիկական հատկությունների հետազոտությունները, այնուամենայնիվ, դեռ զարգացած չեն: Ավելին, քանի որ տարբեր ֆիզիկական հատկություններով երկչափ և Վան-Դեր-Վալսյան նյութերի ինտեգրումը տարատեսակ հետերոկառուցվածքների մեջ կարելի է կատարել մեծաքանակ համակցություններով և ատոմական ճշգրտությամբ, ապա այստեղ կտրուկ ընդլայնվում են և՛ հիմնարար հետազոտությունները, և՛ հնարավոր կիրառությունները: Աշխատանքային փաթեթներ ԱՓ1| Առաջադեմ ֆունկցիոնալ նյութերի գրադարանի ստեղծում՝ հիմնված երկչափ և Վան-Դեր-Վալսյան նյութերի վրա և դրանց տարատեսակ հոմո- և հետերո- կառուցվածքների վրա մեխանիկական (դասական սկոտչ ժապավենի) և էլեկտրաքիմիական (կատիոնային ինտերկալացիայի) շերտազատման մեթոդների ու դետերմինիստիկ չոր և թաց տեղափոխման մեթոդների միջոցով: ԱՓ2| Առաջադեմ ֆունկցիոնալ նյութերի օպտիկական հատկությունների (օպտիկական անիզոտրոպիա, քիրալություն, տոպոլոգիական հատկություններ և այլն), օպտոէլեկտրոնային հատկությունների (լույս-նյութ փոխազդեցությունից առաջացած էքսիտոնիկ և պլազմոնային էֆեկտներ և այլն) և ի հայտ եկող տվիստ-կառավարվող երևույթների ուսումնասիրություններ, այդ թվում՝ նրանց հատկությունների նուրբ կարգավորման կոճակների հայտնաբերման նպատակով: ԱՓ3| Նանոմասշտաբի օպտոէլեկտրոնային սարքերում և օպտիկական բաղադրիչներում նման առաջադեմ ֆունկցիոնալ նյութերի իմպլեմենտացիայի հեռանկարների ուսումնասիրություններ:
Ովքե՞ր են
Ղեկավար
Դավիթ Ղազարյան
Անդամներ
Դավիթ ՂազարյանԼաբորատորիայի վարիչ
Մարիա ԼևոնյանԼաբորանտ
Անի ԽաչատրյանԼաբորանտ
Դավիթ ԿարախանյանԼաբորանտ
Մերի ՀայրապետյանԱվագ ճարտարագետ
Արծրունի ՄարգարյանԿրտսեր գիտական աշխատող
Մաքսիմ ՍարգսյանԳիտական աշխատող
Որտեղ են
ԵՊՀ, Երևան (Ֆիզիկայի գիտահետազոտական ինստիտուտ, Նյութագիտության և նանոտեխնոլոգիաների գիտական կենտրոն)
Հրապարակումներ
Այս խմբի՞ց եք։ Լրացրեք կարճ ձև, և էջում կհայտնվեն ձեր հարցը, մեթոդները և միանալու պայմանները։
Սա տեղեկատու էջ է՝ պաշտոնական աղբյուրների հիման վրա։ Կառույցի անունը չի ենթադրում գործընկերություն։